کەڤنترین ئاڤاهی کو بناڤی خالا نوژداری هاتیە نیاسین مالە نوژداری (استرجان) ە کو ئەرمەنی بوویە و ل جهی قائیمەقامیەتا نووکە بوویە .پاشان هاتیە ڤەگوهاستن بۆ مالە (نوژدارا وی سەردەمی) برین پیچ شمعون .پشتی ماوەیەکی ئەو خالە نوژداریە هاتیە ڤەگوهاستن بو مالا یوسف ئاغا و پاشان بو مالا حازم بەک . ل دوماهیکە سالین چلان دا هاتیە ڤەگوهاستن بو جهێ بنگەها خابور یاساخلەمیی ل تەنیشت قوتابخانا بەهار یا نووکە و هاتیە نیاسین وەکو نەخوشخانا زاخو .

نەخوشخانا زاخو هاتیە نیاسین ل دەڤ خەلکا دەڤەرا زاخو وەکو (خەستا سوکی) کو تاکو ڤی کاتیشی هەر ئەڤ ناڤە دهیتە گوتن ژ لایی خەلکا زاخودا .

ل بنگەهی ساخلەمیا خابور دوو نوژدارین ب رەگەز عەرەب بین و بناڤی محمد الحمامی ناجی الربیعی کارتیدا کرینە .

ل سالین شیستادا بنگەهی ساخلەمیا دەلال هاتیە ڤەکرن و (نوژداری) فەلە تیدا کارکریە و ناڤی وی بنگەهی هەتا کو نوکە دبیژنی (خەستا شمعون) .

ل ٧ نیسانا سالا ١٩٨٥ نەخوشخانا زاخو یا گشتی (تەنگاڤیا نووکە ) هاتیە ئاڤاکردن (و تاکو ڤی سەردەمی دهیتە نیاسین وەکو خەستا شەعبانیکی)کو پیک هاتبی ل قاویشین زاروکان ، نیشتەگەری ، دڵ و هەناڤ و دگەل هولا نیشتەگەریی .

پاشان چەندین بنگەهین تەندروستی ل دەرڤەی باژیری و دناڤ باژیریدا هاتینە ئاڤاکرن و ڤەکرن .

ل دەمی سەرهلدانا ١٩٩١ ئەڤ نەخوشخانا رولەکا بەرچاڤ هەبویە بو خزمەتکردنی ، وتاک دەزگەها میریا وی سەردەمیی کو دەستی دزو جەردان نەگەهشتیی .

ل سالا ١٩٩٦ قاویشا ژنان و زاروکبوونی هاتە ئاڤاکردن ژلایی ریکخراوا (KRO) وپاشان پشکا تاقیگەهی هاتیە ئاڤاکرن .

ل سالا ٢٠٠٥ پشکا شیرەتکاری هاتیە ئاڤاکردن .

ل سالا ٢٠٠٥ هەروەسا نەخوسخانا زاخو یا گشتی هاتیە نوژینکردن ژ لایی خیرخوازەکی کو هەمی دەرگه هو پەنجەران هاتیە گوهرین ب جورین پلاستیک و کاشی و مەرمەر ی دیواری هاتیە دانان .

ل سالا ٢٠٠٩ قاویشا تەنگاڤیی هاتیە ئاڤاکرن ژ لایی سوپایا وەلاتین یەکگرتوا ئامریکا ب کوژمی ٣ ملیون دولاری ئەمریکی و ئیک ملیون دولار بو کەل و پەل و ئامیران ل سەر بودجا حکومەتا هەریما کوردستانی و ل ١/١/٢٠١٠ خزمەتی نەخوشان هاتیە کردن ل ڤی پشکیدا .

ل ٨/١٢/٢٠١٠ کارگەها ئوکسجینی دەست بکاربوویە و بو یەکەم جار ئوکسجین بەرهەم هاتیە ل باژیری زاخو .

نەخوشخانا زاخو یا زاروک بوونی هاتیە ئاڤاکرن ژ لایی حکومەتا هەریما کوردستانی و ددەست بکاربوویە ل ١٢/١٢/٢٠١٢ کو ل ٦٠ بتەختان پیک هاتیە .ئەڤ نەخوشخانە ل پشکین پیشەوازی ، قاویشا نڤاندنی ،هولا زاروک بوونی ، تاقیگەه و پشکین خزمەتگوزاریی پیک هاتیە .

ل سالین ٢٠١١ و ٢٠١٢ نەخوشخانا زاخو یا گشتی هاتیە ئاڤاکرن (ل تاخی بیدارێ ) ل سەر بودجا حکومەتا هەریما کوردستانا عیراقی ب کوژمی ٥٢،٢٥٠،٠٠٠ دولاری ئەمریکی و ل روژا ١٩/٨/٢٠١٢ کار ب دوماهیک هاتیە و ل روژا ١٢/٦/٢٠١٣ هاتیە ڤەکرن ژ لایی سەروکی حکومەتا هەریما کوردستانی عیراقی و ل ١/٧/٢٠١٣ شیرەتکاریا دڵ و هەناڤ و نیشتەگەری و زاروک و گولچیسک و پیست هاتیە دەست پیکرن .

ل ئایەندەکا نزییکدا دی هەمی پشکین شیرەتکاری دهیتە ڤەکرن و ل بەری کوتایا سەری سالێ دێ نەخوشخانا دکەڤیتە کار (انشاء اللە ) .

دەربارەی بنگەهین تەندروستی نووکە ١٨ بنگەهین تەندروستی هەنە و ١١ ژوان نوژدار تیدایە و ٧ی دیتر تەنها هاریکاری نوژدار و برین پیچ تیدا کاردکەن .